B

ayos maging makata

sa mga gabing ika'y lumuluha

may pagsisidlan ang mga salita

na naguukit ng mga hiwa

humihina ang pagtangis

sa pagsibol ng mga tula

kumakalma ang pag-alon 

ang daluyong ng emosyon

ang panaghoy

ang pagsinghal

ng isang pusong pagal

kaya ayos maging makata

ang wasak na damdamin

ibuhos sa pagtula

ayos maging makata

sa mga araw na puno ng sigla

may pagsisidlan ang mga salita

na gumuguhit ng mga tawa

ang naguumapaw na tamis

isangkap sa mga tula

palayain mula sa kahon

ang mga ikinukubling emosyon

ang galak

ang kilig

ng isang pusong umiibig

kaya ayos maging makata

ang rumaragasang damdamin

ibuhos sa pagtula

para kay em

para kang ulan

doon sa kanta ng bandang eraserheads

kaysarap mong pagmasdan

parang kang yung tsokolateng flat tops

hindi kita kayang pagsawaan

dahil sayo naniwala na ako kay nina

nang sabihin nyang

“love moves in mysterious ways”

dahil sayo tumibok ang puso ko

kasimbilis ng “superbass”

dear gelpren,

ikaw yung mainit na kape sa isang maginaw at maulang umaga
yung rosas na langit sa tuwing hahalik ang araw sa gabi
yung samyo ng kamisetang ibinabad sa downy
ikaw yung pilantik ng mga tikladong umaawit ng malambing na musika
yung leche flan sa ibabaw ng special na halo-halo
yung palakpak sa dalampasigan ng mga along mapaglaro
ikaw yung maginhawang yakap ng malambot na kama
ikaw yung mainit na pakiramdam ng maliligayang alaala
ikaw yung usong hindi nalalaos
ikaw yung superherong hindi maigapos
ikaw yung pagibig na hindi magagapi

ikaw ang dahilan ng aking pagngiti.

para kay someone

yung moment na narinig mo itong isang kantang ito, alam mo na agad  kung sino yung maaalala mo. yung isang kanta na yun na nakalaan lang para sa isang ispesyal na alaala - isang ispesyal na tao sa buhay mo.

the one that got away. 

lahat siguro tayo mayroong ganito. yung nakakapanghinayang na samahan na wala lang - dumulas at nakalipas na lang. yung taong mabigyan ka lang ng pagkakataon ay kukunin mong pabalik sa iyong buhay -hindi lang bilang kaibigan.

higit pa dun.

mayroon akong kanta para sa taong yun pero dahil (bukod sa gwapo) talentado ako at napakamahusay kong sumulat ng mga tula, naisip kong sumulat ng isa para sa kanya.

walang nakakaalam kung sino ito. pero kung tatanungin nyo ako, straight up, sasabihin kong oo. oo, mahal ko pa rin sya. kahit hindi kami nag-end up being together and all that cheesy shit.

pilit tinatakasan ngunit hindi maiwasan.
ikaw nilalang, ang umpisa at hangganan.
sa puso ko hindi magbabago:
ikaw lamang hanggang buhay ko'y maglaho.

C'MON KIDS, SING WITH ME!

nanay, tatay ubos na ang tinapay

ate, kuya said na kape

lahat ng gusto ko ay nanakawin nyo

tubig at kuryente ay nanakawin rin

bubuka ang bulaklak, sasara ang bulaklak

nakahubad ang reyna, kekendeng-kendeng pa

tuwad, tihaya, tuwad tihaya

oh yeah yeah

si penpen pasarapin

ang salawal paluwagin

papara ng tamaraw

doon iiyutin

si beth namimilipit

kanyang tumbong namumukadkad

sa harap ng manyak

sayang pula ay ibaba mo na

parokyanong puti, maraming salapi 

sisitsitsitsit sa alabang

sa may kanto, nagaabang

ang babae sa lansangan

nagbebenta ng katawan

ale, ale walang datong

bibitbitin yaring sanggol

pagdating sa malabon

ipagpapalit ng bagoong

mama, mama malaking bakla

palamunin yaring bata

pagdating sa maynila

ang kanyang brief, may mantika

where art thou?

tipid ang usal ng tigang na labi
pinid ang dila
sapantaha'y nakatali
tumatangis ngunit hindi naman sawi
nakabibinging katahimikan
ang imik ng pusong walang dahilan
walang sinuman ang may alam
walang sakit ngunit mabigat ang pakiramdam
sino? ano?
mayroon bang hinahanap?
ang magpupuno sa puwang ng pusong may kulang
pilit inaapuhap
ang pupuno sa katauhan ng "ikw" sa aking "aq"
bubuo ng "tau"
at magsasabi ng "luv u"
kailan magtatagpo
ang landas ko at ang landas mo
pagka't ang ikw at aq, mhl q
isang uniberso

natalie's poem

kalungkuta'y nagdidilig


pagtangis ng puso'y aking naririnig


pumapatak, umiibig


sa bawat lagaslas ng tubig


naramdaman ko ang sakit ng bigong pagibig


naramdaman ko kung gaano kalamig


ang biglaang iwanan ng isang iniibig


maalat ang tubig


ang luhang dumadampi sa aking bibig


ang sumpaang binigo ng huwad na pagibig


mapait


lasang lasa ng aking kaluluwa ang iniwan mong sakit


nagtatanong ang aking sapantaha


sino sya? paano? bakit?


anung ginawa ko't ipinagpalit mo ako sa pangit?


marahil isip mo'y kinulang na sa bait


mga basag na pangako mo ngayo'y nagkalat


tila ang lahat sa iyo ay hindi pa sapat


aking puso'y wari ba'y nauntog


ingat ka sa paglakad, baka ikaw ay mabubog

LOVE STORY SA FAURA

may naglalakad sa bangketa.

may nagyoyosi sa brickwall.

may naghahagilap ng id.

nagsisigawan ang mga dispatsador.

naghihiyawan ang mga tibak.

nagiiyakan ang mga busina.

may nagbabantay na guwardiya.

may naka-shades na matanda.

may jeepney na pumara.

nagtitilamsikan ang mantika.

nagliliparan ang mga palara.

naglalakbay-kamay ang mga pera.

may dumaang lrt.

may nalaglag na kendi.

may nagsindi ng panibagong yosi.

tuloy tuloy ang ikot ng magulong mundo.

sabay sa walang puknat na pagtakbo ng oras.

gising na gising ang kalsada.

buhay na buhay ang diwa.

andun ako.

andun ka.

isang maikling yakap.

ako'y nabigla.

magulong mundo'y parang tumila.

doon nagsimula.

ang lovestory sa faura. 

TINTA

nagpipilit akong maging makata
kahit sa pagkakataon lang na ito
pero wala akong maapuhap ni isang salita
nauumid ang dila ko
tuyot ang panulat ng sapantahang nahihibang
nagpipilit maging makata
sa harap ng iyong mga mata
iguguhit ng mga salita
ang larawan ng bigong pagsinta
hindi maibulalas ngunit hindi maitago
pagibig na sadyang baligho
tila hamog na madaling maglaho
pinipilit kong maging makata
para sa pagibig, para sa luha
nagkukubli sa mga salita