JUICE KUPO!

sapagkat handa akong tanggapin ang bawat sulok ng iyong pagkatao maging bahagi man nito ang iyong hindi tuwirang pagtanggap sa pangako kong pagbabago. hindi ako nagmamadali dahil nais ko ring dumaan sa bawat bahagdan ng isang mahabaang proseso. ngunit hindi ko maikakailang ako'y nababagabag o nasasaktan sa tuwing nararamdaman kong nasa alangan ang kung saan nga ba ang aking tunay na kinalalagyan.

naiintindihan, minamahal, at tinatanggap.

dumaan na rin ako sa pagsubok na kinasasadlakan mo ngayon kaya't ang pairalin ang inggit at selos ay sadya namang baligho. mahal kita kaya't handa akong intindihin ang lahat mula sa lihim na kahulugan ng bawat pagkakataong ika'y tulala; hanggang sa pagpatak ng mga luhang hindi ako ang simula.

maghihintay ako hanggang sa handa ka na muling magsimula. sabay nating lasapin ang ginhawa ng paglaya.